Tremendo ambiente na Bugaloe su ‘Salsa Night’ cu ArubaSalsa

Diaranson dia 25 di februari, Bugaloe su pista di baile riba e ‘the palm pier’ tabata jena cu turista y localnan cu tabata bailando salsa y merengue. E tabata e prome ‘Salsa Night’ organiza pa Bugaloe y ArubaSalsa. 7or e anochi a cuminsa cu un bunita bahada di solo den e background y tremendo music di e banda Melao, un di e mihor bandanan di salsa na Aruba. ArubaSalsa tabata tei pa habri e pista di baile y tambe pa duna un tremendo workshop gratis di salsa y merengue. E anochi tabata un exito total, tambe danki na e cursistanan di ArubaSalsa cu a bin pa practica nan moves, siña algun pasonan nobo y disfruta di e anochi den un ambiente comfortabel.

Nos a haya hopi reaction positivo for di tur bishitantenan cu nan a gusta e concepto nobo na unda ta posibel pa sali baila prome cu 11or di anochi. E ambiente na Bugaloe tabata masha ameno y e biento cu tabata supla tabata lagabo sinti dushi y relaha.

Diaranson awor atrobe lo tin e ‘Salsa Night’ y lo bo por bin y pasa un bon anochi cu bo friendsnan bailando y disfrutando di nos dushi Aruba. Lo bo kier siña baila salsa of merengue? Djies bin y laga Reggie y Sabine mustrabo diferente pasonan den nan workshop gratis. Tur hende ta invita!

Salsa Night @ Bugaloe (na the Palm Pier, entre Radisson y Riu)

7pm- 10pm, cu un gratis salsa & merengue workshop di 7.30pm-8.30pm