ArubaSalsa » private salsa lessons

Curso nobo pa studiante/stagiaire @ Mambo Jambo

Reggie — Fri, 13 Feb 2009 04:41:52 +0000

Riba diamars dia 24 di februari, ArubaSalsa lo cuminsa cu un curso special pa studiante/stagiare. Reggie y Sabine lo siñabo salsa moves cu ta cool y zuiver, asina ta prepara pa baila y impresiona bo friendsnan. E curso aki ta consisti di 6 les di 1,5 ora. Lo bo ricibi un ArubaSalsa member card cu lo dunabo 10% di descuento riba tur bebida na hotspots di salsa manera Mambo Jambo y Mr. Jazz. E prijs ta special pa studiante/stagiaire, solamente Afl. 125 p.p.!

Start: Diamars dia 24 di februari
Ora: 9.30 pm -11 pm
Prijs: Afl. 125 p.p.
Lugar: Mambo jambo, Oranjestad

(Un pareha di baile ta recomenda pero no rekeri)

Inscribi y reserva bo lugar awe! Mayoria di nos lesnan ta sold out prome cu nan cuminsa!
Jama: 585-7939 (oficina) of 594-7008 of 594-7018
E-mail: reservashon@arubasalsa.com

Cursonan nobo di Bachata y Salsa

Reggie — Fri, 13 Feb 2009 04:30:08 +0000

Curso di Bachata – 2bfit Studio

ArubaSalsa lo cuminsa cu un curso nobo di bachata riba diabierna dia 27 di februari. Bachata ta un baile bunita y sensual di Republica Dominicana y e ta facil pa siña baila. Den e curso aki lo bo siña e paso basiconan, biradanan y combinacionnan imprecionante. E curso di bachata lo wordo duna door di Reggie y Sabine, y ta consisti di 6 les di 1 ora y e lo tuma lugar na 2bfit Studio na Noord.

Start: diabierna 27 di februari
Ora: 7.30 pm – 8.30 pm
Prijs: Afl. 95 p.p.
Prijs pa cursistanan di ArubaSalsa: Afl. 90 p.p.
Lugar: 2bfit Studio, pega cu eagle bowling

Spoed cursus Salsa – 2bfit Studio

Riba diabierna dia 27 di februari, ArubaSalsa lo cuminsa cu un spoed cursus di salsa! E curso lo tuma lugar na 2bfit Studio na Noord y Reggie y Sabine lo duna e les. E spoed cursus lo consisti di 6 les di 1,5 ora.

Start: diabierna 27 di februari
Ora: 9.30 pm – 10 pm
Prijs: Afl. 125 p.p. (studiante) Afl. 150 p.p. (pareha) Afl. 175 p.p. (regular)
Lugar: 2bfit Studio, pega cu eagle bowling

Inscribi y reserva bo lugar awe! Mayoria di nos lesnan ta sold out prome cu nan cuminsa!
Jama: 585-7939 (oficina) of 594-7008 of 594-7018
E-mail: reservashon@arubasalsa.com

ArubaSalsa ta introduci un servicio innovativo y unico na Aruba!

Reggie — Fri, 16 Jan 2009 16:04:44 +0000

ArubaSalsa tin noticia grandi pa su cursistanan. Desde 19 di januari, ora cu ArubaSalsa cuminsa cu nan temporada nobo di salsa, ArubaSalsa ta introduci un servicio nobo y innovativo pa tur su cursistanan: “Online Video Tutorials”.

E video tutorialsnan ta videonan na unda e instructornan di ArubaSalsa (Reggie y Sabine) ta splica y demonstra kiko tur a wordo duna den e les di e siman ey. Ora cu un cursista kier practica na cas, e por usa e videonan como ayudo. Tur siman un video nobo lo wordo poni riba e website di ArubaSalsa pa asina e cursista practica locual a wordo duna durante e les di e siman ey.
E tutorialsnan por solamente wordo mira riba e website di ArubaSalsa y nan ta traha cu un password special cu e cursista ta haya di ArubaSalsa. Mester bisa cu e tutorialsnan ta graba den cualidad HD (high definition) y sonido dolby digital!

“Online Video Tutorials” ta un concepto nobo y unico na Aruba y ta completamente gratis pa tur e cursistanan di ArubaSalsa. Cu e servicio aki ArubaSalsa kier stimula su cursistanan pa practica mas pa asina nan por domina nan techniek y pasonan pa asina disfruta bailamento di salsa aun mas!

ArubaSalsa cu lugar nobo pa e area di Noord: 2bfit Studio!

Reggie — Fri, 16 Jan 2009 15:46:12 +0000

ArubaSalsa tin bon noticia pa su cursistanan actual y su cursistanan nobo. Dia 20 y 22 di januari ArubaSalsa lo cuminsa cu 4 curso na un lugar nobo pa e area di Noord: 2bfit Studio (pega cu eagle bowling). Esaki ta un lugar nobo, bunita, espacioso cu amplio lugar pa parkeer. Esey kiermen cu tur les pa e area di Noord lo no wordo duna na Club di Movimiento mas pero na 2bfit Studio! Riba diamars dia 20 di januari e curso nobo di beginners ta cuminsa pa 7or y e curso di semi-intermediate ta cuminsa pa 8or di anochi. Como cu e curso di diamars ta practicamente jen caba ArubaSalsa a organisa cursonan extra cu lo cuminsa riba diahuebs dia 22 di januari. E curso di semi-Intermediate ta cuminsa pa 7or y e curso pa beginners ta cuminsa 8or di anochi. Tur curso ta consisti di 10 les di 1 ora. Si bo no sa na unda e lugar aki ta keda bai na www.arubasalsa.com/local/lugarnan

Cursonan nobo di salsa na januari

Reggie — Tue, 06 Jan 2009 07:09:31 +0000

Dia 19, 20 y 22 di januari ArubaSalsa ta cuminsa cu nan cursonan nobo di salsa pa beginners (level I) y pa semi-intermediate (level II) na Noord y San Nicolas. Tur e cursonan nobo di salsa tin un duracion di 10 les di 1 ora.

Dialuna 19 di januari
Curso di Salsa na San Nicolas – Scol di Arte

Beginners (level I): 8-9 pm
Semi-intermediate (level II): 9-10 pm

Diamars 20 di januari
Curso di Salsa na Noord – 2bfit Studio (pega cu eagle bowling)

Beginners (niveau I): 7-8 pm.
Semi-intermediate (niveau II): 8-9 pm.

Diahuebs 22 di januari
Curso di Salsa na Noord – 2bfit Studio (pega cu eagle bowling)

Beginners (niveau I): 8-9 pm.
Semi-intermediate (niveau II): 7-8 pm.

Inscribi bo mes awe, lugar ta limita y ta jenando liher!

Jama: 585-7939 / 594-7008 / 594-7018
E-mail: inscripshon@arubasalsa.com

Cursistanan ta duna ArubaSalsa un 9.3 den encuesta!

Reggie — Sat, 03 Jan 2009 07:45:31 +0000

Pa ArubaSalsa ta sumamente importante cu e cursistanan di ArubaSalsa ta satisfecho y contento cu e lesnan, docentenan y e lugarnan di e lesnan. Pa prome biaha ArubaSalsa a cuminsa cu lesnan di Salsa y Bachanta pa localnan den october. Pa haya sa si e cursistanan a gusta y a keda satisfecho cu ArubaSalsa nos a tene un encuesta.

Potret: Cursistanan jenando e encuesta

E resultado di e encuesta tabata super positivo pa ArubaSalsa. E docentenan di ArubaSalsa a haya riba averahe un 9.3 (riba un schaal di 1 – 10). E cursistanan a indica di a encanta con e lesnan a wordo duna (cu entusiasmo y na un manera facil pa compronde) y cu nan tur a sinti di a haya hopi atencion personal di e docentenan. “I liked the good help if we did something ‘wrong’”, “I liked the attention and patience of the teachers”, “I liked the happy and fun way of teaching”.

Ora cu den e encuesta a wordo puntra si nan lo recomenda ArubaSalsa na nan amigonan y famianan, tur hende a contesta ‘si’. ArubaSalsa lo continua traha duro pa mantene e cualidad y servicio iniguala halto pa e siguiente temporada.

Nos kier a gradici tur nos cursistanan pa nan participacion na e encuesta y nos ta cla pa e temporada nobo cu lo cuminsa dia 19 y 20 di januari na Noord y San Nicolas!

ArubaSalsa ta desea tur hende un feliz y saludabel aña 2009 yen di fiesta!

Reggie — Sat, 03 Jan 2009 07:16:34 +0000

ArubaSalsa ta desea tur hende riba e dushi isla di Aruba un feliz, saludabel aña nobo yen di fiesta! Nos ta topa dia 19 of 20 di januari pa e prome lesnan.