Lesnan
SALSA
Si esaki ta e prome biaha cu bo tin pensa di baila salsa of ya bo sa move riba e pista di baile, bo ta na e bon adres. Nos ta duna diferente nivelnan di salsa y otro bailenan Caribense na un manera divertido y profeshonal. E mayoria di hende na Aruba cu ta baila salsa ta baila e estilo ‘crioyo’. ArubaSalsa lo siñabo un estilo di baila salsa unico, diferente y bunita jama ‘L.A. Style’, un estilo jen di birada y combinashonnan impreshonante. ‘L.A. Style’ salsa ta un di e estilonan mas popular na mundo!
Si bo no ta sigur den cual nivel bo tin cu cuminsa, djies puntra un di e instructornan y nan lo determina esaki.
I Beginners salsa
Si bo ta kere cu salsa ta un saus Spaño pa hasi bo taco un tiki mas picante, y nunca bo no a tende di terminonan manera ‘basic forward’ of ‘cross body lead’ probablemente esaki ta e nivel di salsa pa bo cuminsa bo aventura.
Den e nivel aki lo bo siña e basico di salsa cu e technieknan y postura corecto. Tambe algo importante, con pa mantene y baila riba e bon ritmo. E basico ta e fundeshi pa sigui cu e nivelnan mas halto di salsa, dus ni maske bo sa caba un tiki con pa baila salsa of bo a jega di baila un biaha, considera cuminsa cu e nivel aki pa refresca bo memoria.
II Semi-intermediate
Bo ta confortabel cu e pasonan basico y awo ta e tempo pa hasi bo movishonnan mustra y sinti mihor. Lo bo siña con pa usa bo conosimento y technieknan basico pa ehecuta combinashonnan nechi. E homber ta siña tambe con pa ta un lider riba e pista di baile y e hende muher ta siña con pa usa movimentonan sensual y bunita jama ‘ladies styling’.
III Intermediate
Ya awor bo sa e caminda riba e pista di baile y bo por aplica tur locual bo a siña caba den combinashonnan nobo. Den e di tres nivel nos lo tambe siñabo diferente y impreshonante ‘shines’. Esaki ta diferente pasonan pa ora bo ta baila bo so. Tambe lo bo siña con pa combina tur cos pa asina usa bo creatividad pa traha bo estilo propio.
IV Semi-advanced
Prepara pa hasi bo baile mas intensivo y zuiver. Despues di a completa e curso intermediate cu exito bo ta cla pa musica mas liher, combinashonnan mas largo y biradanan bunita. Den e nivel di salsa aki como homber y muher lo siña ‘spin’. Nos lo focus riba techniek pa asina bo por ehecuta e ‘spins’ nan facilmente.
V and VI, Advanced 1 & 2
Awor nos ta bai cuminsa test bo talentonan di baile. Bo ta completamente confortabel riba e pista di baile. Den e nivel advanced nos lo challenge bo cu combinashonnan mas complica y tambe lo bo haya movishonnan di pia mas liher. Nos lo judabo rafina bo baile y tambe siñabo con pa crea bo propio pasonan, movishonnan y estilo pa asina bo crea BO salsa unico!
Aunke bo caba cu e ultimo nivel di salsa nunca bo ta cla cu salsa. Semper tin algo nobo y diferente pa siña! Pesey tambe e lesnan advanced nunca ta mesun cos. Bo lo siña algo diferente cada biaha cu bo tuma e advanced les.
Prijs
Tuma ventaha di nos prijsnan super atractivo. Nos prijsnan ta pa ful e curso. 10 les di 1 ora. (2 luna y mei)
Ta posibel pa paga den 2 biaha tambe!
Studiante: Afl. 125 p.p.
Pareha: Afl. 150 p.p.
Regular: Afl. 175 p.p.
BACHATA
Bachata ta un bunita baile cu su origen di Republica Dominicana. Tur hende por siña baila e baile aki. Durante e curso aki nos ta presta atencion na e paso basico nan, e movimiento di cintura y nos lo siñabo hasi biradanan y combinacionnan impresionante.
Prijs
Regular: Afl. 95 p.p. (6 les)
Lesnan priva
Lesnan priva ta ideal ora cu bo kier siña baila salsa, merengue of bachata na bo speed of bo nivel sin tin mester di tene ningun otro hende na cuenta. Nos lo ahusta nos tempo y e lesnan na bo placer. Bo por tuma les priva cu of sin un parter of den un grupo. E dia y tempo pa lesnan priva ta flexibel. Tuma contacto cu nos pa bo les priva.
Priva: Afl. 200 p.p. (5 les di 1 ora)
