ArubaSalsa
Sera conosi cu Raghnall (Reggie) y Sabine, e fundadornan y instructornan di e compania di baile nobo ArubaSalsa. Porta bo a mira nan na diferente hotspots di salsa manera Mambo Jambo of Mr. Jazz. Nan ta resalta door di nan manera unico y elegante di baila salsa, e resultado di añanan bailando y practicando salsa y tambe di nan quimica cu nan tin cu otro riba e pista di baile y den nan bida personal.
Reggie a nace y a wordo lanta na Aruba y a cuminsa baila cu solamente cuatro aña di edad. E a encanta salsa y a sigui pa e por a mehora su nivel di salsa na Europa. Pa mas cu cinco aña Reggie a duna les di salsa na mas cu miles di hende na e compania di baile mas grandi di Zuid Nederland. Su orario tabata uno masha druk mes dunando cinco les pa siman y tres ora pa anochi. Un di su specialidad a bira e grupo di principiante, e grupo cu ta mas dificil pa siña baila.
Un paar di aña pasa durante un di su lesnan di salsa un mucha muher special, Sabine, un hulandes cu tabata hasi su best den les a capta Reggie su bista. Nan a enamora y a sigui baila e baile cu a trese nan hunto: SALSA!
Sabine semper a gusta baila. E a cuminsa cu bailamento for di tempo cu e tabata chiquito cu bailenan manera jazz ballet y streetdance, despues a haya e calor di musica latina y a cuminsa tuma les di salsa, bachata y reggaeton. Awendia su estilo ta wordo influencia door di tur e bailenan aki y Sabine a crea su propio estilo sensual y elegante. Durante e ultimo añanan e tambe a duna les hunto cu Reggie na Hulanda y awendia e ta agrega e toque femenino den e cursonan.
Despues di a duna les di salsa na Hulanda y na mas cu 1000 turista na Aruba, nan tei awor na Aruba pa pasa nan pashon di baile pa otronan y siña e comunidad di Aruba un estilo unico di Salsa y otro bailenan bunita den un manera pret y facil. Reggie y Sabine no ta kere cu tin hende sin ritmo, cu dos pia robez, ya cu nan manera di duna les stap pa stap y atenshon personal nan por siña tur hende cu kier baila, con pa baila SALSA!
Join nan lesnan awe mes!
