ArubaSalsa ta sera deal exclusivo cu su business partners

Nos tin un tremendo noticia pa tur hende cu ta tuma les of cu ta bai tuma les na ArubaSalsa!

Tur hende cu a cuminsa cu les di baile serca ArubaSalsa desde october 2008 ta haya un carchi di miebrecia. Ora bo mustra e carchi di miembrecia aki na e hotspotnan di salsa Mr. Jazz of Mambo Jambo bo lo haya 10% di descuento riba bo bebida! Esaki kiermen cu solamente e cursistanan di ArubaSalsa lo haya e trato y e descuento special aki!

Mr. Jazz ta un nightclub y restaurant nobo situa na Paseo Herencia y nan tin un tremendo orquesta en bibo jama ‘Bilongos’, cu ta toca musica di salsa, merengue y mas tur fin di siman. E pista di baile ta perfecto pa bo practica tur locual bo a siña den e lesnan di ArubaSalsa!

Mambo Jambo na Royal Plaza pa añasnan caba ta e salsa spot mas conosi na Aruba. Tur anochi bo por baila musica latina. Diaranson anochi si bo no mag di perde. E anochi ey e grupo ‘Melao’ lo pone bo curpa tembla! Bo lo baila non stop te ora cu nan sera nan portanan.

Reglanan pa e descuento:

- Ora bo mustra bo carchi di miebrecia di ArubaSalsa na Mr. Jazz of Mambo Jambo lo bo haya 10% di descuento riba bebida.
- E descuento ta personal. Bo lo solamente haya e descuento riba bo propio bebida, cu bo mes a bestel y cu bo mes a paga.
- Riba bo carchi di miembrecia tin para pa cuanto tempo esaki ta valido. Cada temporada di les nobo lo bo haya un carchi nobo ora cu bo inscribi pa e temporada di les nobo.
- E descuento ta exclusivo pa cursistanan di ArubaSalsa.
- E descuento no ta valido cu otro descuento.