ArubaSalsa ta expande pa Santa Cruz!

ArubaSalsa tin noticia grandi pa e habitantenan di Santa Cruz y vecindario. Desde 4 di april ArubaSalsa lo cuminsa cu cursonan di salsa na Santa Cruz! E lesnan di ArubaSalsa lo tuma lugar na Platinum Club, un lugar bunita den e curazon di Santa Cruz, cu amplio lugar pa parkeer y airco.

Na october 2008 ArubaSalsa a cuminsa pa e di prome biaha cu cursonan di salsa pa localnan na Noord, San Nicolas y Oranjestad. Despues di dos temporada sumamente exitoso na unda 95% di tur e lesnan tabata ‘sold out’ e expancion pa Santa Cruz a bira un stap logico. Reggie di ArubaSalsa ta bisa: “Nos a haya asina hopi peticion di habitantenan di Santa Cruz pa cuminsa cu lesnan di salsa na Santa Cruz cu solamente un bon lugar nos tabata falta pa nos por a cuminsa. Awor porfin nos a haya un bon lugar, Platinum Club. E ta un lugar bunita y grandi cu airco y un bon lugar pa parkeer”. Platinum Club ta situa net riba Subway, dilanti di Wema. ArubaSalsa ta e unico scol di baile na Santa Cruz cu ta duna lesnan di Salsa na adulto!

E curso di salsa lo cuminsa riba diasabra 4 di april pa 7or di anochi y lo consisti di 10 les di 1 ora.
Lugar lo ta limita, asina ta reserva dibiaha!

Jama 585-7939 of 594-7008
E-mail: info@arubasalsa.com